و ياحق مال سكتك صبحت خلاص عوجة
و الكون كل موازينه بقت كمان معوجة
نمشي ندور تايهين و ضحكتنا ضايعة
قالوا العدل أساس الملك و الملك له مالك
و حاكم بأمره يأمرك و حكمه ده باطل
صبر و صبرنا و ياريته كان عاجب
ألمح شعاع النور
من فوق جبينك هالل
و واقف غراب من بعيد
على دنيتك طالل
طب قول لي لأمتى حتداري و تخبي
و لحد أمتى حتفضل عنيك مالندم تبكي
جربت يوم مالحزن تهرب
تهرب تروح على فين يا شاطر
فرحت في يوم و فرحتك كملت
تاني حتكدب و تصدق كدبتك
ما خلاص عرفنا يا سيدي الحق مالباطل
ليست هناك تعليقات:
إرسال تعليق