موال رحل

يا أما قولتله لا ترحل
يا أما قولتله لا ترحل
تركني يا أما و رحل
تركني يا أما و رحل
و ليلي طويل ما بيرحل
ليلي طويل ما بيرحل
و دموعي باتت ع الخدين
و صبري ضاق بيه الحال
ماني عارفة كي يرتاح البال
و وين أحط الرحال
و أمتى ينتهي الترحال

رحل عني رحل
ما سبلي غير الفراق
و القلب دايب صبابا
نار شوقه ما تنطاق
و ليلي والله كويني
محروم عيني تنام
لا في طبيب يداويني
كتر عليا الملام
الناس قالولي أنسيه
ماعرفت كيف أنساه
حبه في قلبي الساكن
و قلبي مثل الرحا

البعد الثالث

في مكان بعيد
حيث البعد الثالث
لا ترى الأشياء كما هي
تحلق الطيور في السماء
تمتد يد عالية
كل شيء..
يبدو أكبر من حجمه
فلا ترى الأشياء
بالعين المجردة
تتشابه الأحلام
و تتفق الرؤى
و لكن أين نحن
من هذه الخطى
زحام وسط الضباب
و صوت ضوء في الظلام
ليس من أرتياح
فليس هناك براح
ولكن رغم هذا
لا أشعر باستياء
أنظر من الزاوية
حيث البعد الثالث
الحياة كما هي
ألوان عارية
و نفوس خاوية
بشرور كاسية
أترك البعد الثالث
و أعود لأجد نفسي
أمام مرآتي
أمام نفسي البالية

أبتدى الأزرق يبان

لون السما الصافية
رجع يبان من جديد
و رجعت تاني ضحكتنا
اللي كانت ضيعة منا بعيد
و أبتدت تحقق كل الأماني
و يبان الكلام متفسر
و تبان المعاني
و أبتدى الأزرق يبان

*******************

الحلم لسه وليد
متفتح بيشب
واقف يمد الأيد
و الفجر بيشقشق
و بيطلع مالقلب
دا معدش شيء عن العين بعيد
و أبتدت تحقق كل الأماني
و يبان الكلام متفسر
و تبان المعاني
و أبتدى الأزرق يبان
ف لون السما الصافية

أنت يلي حبك حرية

أنت ياللي هواك حرية
و بتتنفس نور و مية
خلي بالك ماللي قبالك
وأوعي رجلك تيجي في الخية

************************

أنت ياللي بتحلم تدي
وعشقك نار
و أن وهبوك الجنة تقول
النار حختار
خدت قرارك .. دي الدار دارك
و طلعت قد المسؤلية

************************

أنت ياللي فيك العالم
كله أحتار
عايش ساكن راضي و ساكت
ولا بتنهار
ثورت عليهم .. وجت رجليهم
كل ده و كانت سلمية

***********************

أنت ياللي هواك حرية
و بتتنفس نور و مية
خلي بالك ماللي قبالك
وأوعي رجلك تيجي في الخية

أرجع تاني

أتغير شكلي و لوني
و السنين عمالة تمر
و يومي هو يومي
و طال بيا الصبر
و الحياة هي الحياة
الفرح فيها بيقلب غم
و مفيش حاجة نافعة معاه
قربت أموت من كتر الهم

ياما نفسي أرجع زي زمان
أتنطط و ألعب ع الحيكان
أيام ما كنا صغيرين
عيال بتلعب ..
عايشة بتضحك .. ولا بتهتم

************************
كنا عيال صغيرين
ضحكنا يمحي الأنين
وأتبدلت بينا السنين
كنا بنجري في كل مكان
كنا أخوات بنات صبيان
متحيرة فينا الملايين
و ف لجظة راح
كل اللي عشناه
و أتغيرت والله الحياة
و ضاع الحلم اللي رسمناه
وأنا ياما حلمت وقولت

ياما نفسي أرجع زي زمان
أتنطط و ألعب ع الحيكان
أيام ما كنا صغيرين
عيال بتلعب ..
عايشة بتضحك .. ولا بتهتم

حكاية بتتولد

كل ما أفتح عني و أشوف
ألاقي العالم واقفة صفوف
و مشبكة الأيادي بالألوف
كل ماجي أنطق وأقول
و ألاقي كلامي مش معقول
الناس تردد معايا على طول
من هنا أبتدينا
وحيكمل المشوار للنهاية
و حكينا بأيدينا
و رسمنا طريق و شكل الحاية
دي الحرية بتتولد

*****************
عدينا الصعاب
و مشينا الطريق من أوله
و دوسنا على الأشواك
ولأخر المدى حنكمله
من هنا أبتدينا
وحيكمل المشوار للنهاية
و حكينا بأيدينا
و رسمنا طريق و شكل الحاية
دي الحرية بتتولد

*****************
بكرة الحلم يكبر
و يبان النور اللي كان سجين
و الغيم يرجع ينور
بضحكة صوت برئ كان مسكين
من هنا أبتدينا
وحيكمل المشوار للنهاية
و حكينا بأيدينا
و رسمنا طريق و شكل الحاية
دي الحرية بتتولد

******************

الحرية بتتولد في كل مكان
و الهمجية خلاص ملهاش لسان

أنتهى الدرس

لم ينتهي الدرس بعد و لكنه أبتدأ
ف فيد كلٌ منا عصا
و يريد أن يدق
فلنحاسب أنفسنا أولاً
قبل أن ننتهي
و يسد علينا الطريق
و نرجع من حيث بدأ

كلنا مسؤل و كلنا مخطئ
كلنا محقوق له و كلنا مجرم
من منا كان يوماً رجل بحق
فليسكت كل من ينطق
بكلام أو حرف أعوج
شاركنا في الهزيمة
و سنهزم ألف مرة
كنا أدآة الجريمة
ولا نستحق الرحمة

لست مع الرئيس
فماذا كنت لأمنعه
سمحت له بالعبث في الماضي
فلماذا أذاً أنطق الأن
و اقول أني الحق

لو متنا شهداء من أجل لقائه
لكان التاريخ يبجلنا
و في كل مكان يجللنا
و يطلب بجلائه و ينصرنا

فلا ينطق أو يتكلم أحداً فينا
فنحن جميعاً و بحق
نستحق أن نحرق
نستحق أن نحرق

علشان مين ؟

علشان خاطر مين يا بلدنا كل دا
رميتي ليه ولادك فحضن ده و دا
دا يخربلوا عقله
و ده عليكي يذقه
و تخرب الحياة
و مين يقدر يعدي
و يقول للدم هدي
و مافيش طوق نجاه
أنا مش بحسبك لكن أنا بس بسئلك
و دموعي مليا عنيا

جَنيتي و الله علينا و كتفتي أيدينا
و ماكنش حد فينا عارف يعمل إيه
طمعتي فينا الغير و خليتينا طير
لو مرة حد أصطاده حيكون خير عليه
لو كده مش بتحبينا
كان ليه طيب جبتينا
نعشق و نحب فيكي
و الدمع يملى عنينا

ظلمتي ياما فينا و قاسيتي كمان علينا
و محنش قلبك مرة و أنتي أمنا
في عباراتك مُتنا و في عماراتك غرقنا
و الحزن مالي كفوفنا و عرقنا و دمنا
دلينا فين خلاصك
و قوليلنا إيه في راسك
بدال ما نتعب روحنا
و الذل يبان في عنينا

عدوك منك فيكي مش
بس اللي غاويكي
من أي دولة تانية
أو كان دخيل عليكي
أنا مش بحسبك لكن أنا بس بسئلك
و دموعي ماليا عنيا

كل شيء مباح

كل شيء مباح
كل شيء مباح
يسقط الكلام و يسكت الصياح
و يبقى صوت الحق يملئ البراح

يسقط الكلام و يسكت الصياح
و يبقى صوت الحق يملء البراح
و تبقى عين ساهرة حتى الصباح

صباح كان بالأمس صباح كان بالأمس
ليل من عويل ليل من نواح
و بات اليوم دم
دم من شريان
يسيل من ثغر الجراح

أين اكنتم و أين كان حكمك
فكم من روح ذهقت
لم تبرء منها ذممك
يا طغات الأرض في هذا الزمان
يا قلوب ماتت و عندها الكل هان
حتلا أصبح حكمك قانون عليكم
و كلامكم غير مباح
و كلامكم غير مباح

أغبياء

كلنا مذنبون .. كانا مذنبون
لن أركب الموجة لن أعتلي الفضاء
لن أبحر في بحر كل سفنه عرجاء
ليس بيننا من ضحية .. لسنا أبرياء

ليس بيننا من شريف .. لسنا أبرياء
نعم أقولها
ليس بيننا من شريف
فهناك فرق بينها و بين أن أقول
ليس من بيننا شريف
فنحن لسنا شرفاء

لقد سكتنا عن حقنا .. حتى أصبحنا سجناء
لقد صبرنا حتى ضاق حلقنا .. فصرنا جبناء
لقد جعلناهم او أعتقدوا أننا سفهاء
فلا نلوم غير انفسنا لما كنا عليه ضعفاء

كلنا مذنبون .. كلنا مذنبون

لقد خرجنا في مظاهرة
لا لم تكن منظمة و لكنها ليست عصماء
لم نطالب بحقوقنا سوياً و ننتهج نفس الهجاء
لكننا تحملنا فنحن أقوياء

كلنا مذنبون .. كلنا مذنبون

لم نقلد أحداً .. لم نحرض أحداً
بل هم الخونة البلهاء
لقد ظنوا أننا لن نظالب بحقنا
لقد ظنوا أنهم أعمونا و غموا عيوننا
و نحن الذين ساعدناهم على ذلك حتى الأن
بكل شكل و عناء

كلنا مذنبون .. كلنا مذنبون

شاركنا في المسرحية
و نجحنا في التمثيلية
حتى نزل علينا الستار
حركونا كالعرائس
دمرونا كالبرائص
و بتنا مهزلة من هراء
فليسقط النظام .. و نسقط معه أيضاً
أن كنا لا نعترف بأننا أغبياء

كلنا مذنبون .. كلنا مذنبون

يسقط القلم ولا يحيا العلم
يسقط الكلام ولا يحيا النظام
يسقط الظلم بسقط الذل
يسقط الأفتراء و يسقط الأستعباد
يسقط كل شيء .. يسقط كل شيء
و نسقط معه أيضاً
أن كنا لا نعرف ما معنى البقاء

كلنا مذنبون .. كلنا مذنبون

لقد شربنا السم بأيدينا
تنفسنا القهر بأيدينا
و لكننا .. لكننا
حققنا حتى الأن نصراً
لابد أن نكمله
لتبدء من جديد مجارينا
و يعود من جديد الصفاء
و نستحق لقب أبرياء

حسب التوقيت المحلي للديموقراطية

من كام يوم كده و انا قاعد أمام التليفزيون و بتفرج على موقف أبعد ما يكون عن الديموقراطية مناظرة سياسية قديمة بين أثنان من المرشحين الأمريكان و تحديداً كانت المناظرة بين الرئيس جون كيندي و الرئيس ريتشارد نيكسون حيث راح كلاً منهما يسب الآخر و يلعن سلسفين أهله و نظامه و حكمه أمام حشد كبير من أهالي واشنطن التي كانت متجمهرة لتعطي في النهاية أصواتها الإنتخابية بمنتهى الهخر لينتهي الأمر بخسارة فادحة لأخونا نيكسون اللي الناس مكنتش طايقاه فيقوم واخد بعضه كده و لامم حاله و سايب واشنطن راحلاً إلى نيويورك ..، لكن الغريب في الأمر بقى و برضه متعلق بالديموقراطية و طبعاً بعيداً عن نوايا عم نيكسون باشا " إلاهي ينسكنوكي أنتي و أهلك " وقتها و اللي طبعاً مكنتش طيبة ولا نيلة الغريب هنا بقى أنه أخد يخطب في الناس كتيييييييير و قام قايلهم بالفم المليان كده " سوف تخسرون رجلاً تنتقدونه " ..، هو لو حتى كان بيسخر من الناس و بيستعبطهم مش ده المهم المهم هنا حاجة تانية خالص هو الفرق بقى قد كده و للدرجة دي بقى موجود بينا و بينهم في عدم وجود أي نوع من الديموقراطية عند الأمريكان

و وجودها عندنا !!؟


بجد في حاجة مبهمة في المسئلة كلها و مش معروف سببها الحقيقي ..، قال هو احنا ليه عمالين نقول ديمقراطية ديموقراطية زي البغبغان الاهبل و أحنا أصلاً منعرفش ريحة ولا معنى الكلمة من الأساس و مبنفذش حاجة منها بالمرة !!؟


طب بلاش دي .. هو أحنا ليه بندعوا للنزاهة في الأنتخابات و مع كده أول لما بيهل علينا موسم قطف رقاب المرشحين و اللي بيرشحوهم كمان بنلاقي حاجة تانية خالص عكس نزاهة دي و حاجة تانية أنيل ملهاش علاقة لا بأنتخابات ولا نيلة خالص حاجة ممكن كده تقول أنها أنتهاكات أو سريقات لحقوق الديموقراطية في الترشح للأنتخابات أو حتى الإدلاء بالأصوات سؤال طوييييييييييل ملهوش جواب طبعاً .

طيب سيبكم من كده و تعالوا نسئل نفسنا هو أحنا ليه بنقول أن فيه حرية في التعبير و ده طبعاً تحت شعار الديمو قراطية و هوب أول مالواحد مننا ينطق بحرف واحد حتى لو مكنش تعبير عن أي رأي فأي حاجة بيلاقي مليون قفا على ديشيليون بوكس ز بونيات أشكال و ألوان من اللي قلبك يحبها و ده بس عشان فكر ينطق مش حتى قال حرف أو ربع حرف حتى .. طب فين الديموقراطية هنا ؟

طب بلاش كل ده .. أنا شخصياً ليا سؤال مختلف هي الدي ـ مو ـ قراطية على رأي البرنامج اللبناني الساخر بتتباع فين ؟ ألا هي أصلاً معناها إيه ؟ و فين هنا بقى حق الفقير في إنه يحس أن فيه حد بيتنفس ديموقراطية يتتكلم عنه و عن مشاكله و عن الفقر اللي مغطيه من ساسه لراسه و عاميه و جايبله الكافية هو واللي زيه ..، فين الكلام اللي بجد و التعبير عن النفس ولا أحنا فالحين بس يكون عندنا حرية في إبداعات العري و الجري وراء غرائزنا المكبوته

و المحكوم عليها بالفشل ، فين كمان التعبير عن النفس اللي بيخرج مننا و مش مسموحله يدخل تاني زي خرج ولم يعد كده و الناس اللي نفسها بيخرج مبيرجعش و اللي طبعاً مبنسمعش عنهم تاني بعد روحهم ما تطلع و يروحوا قضاء و قدر كده زي ضربة المعلم أبو ركبة كده مهي قضاء و قدر برضه و تبقى ديموقراطية على مية بيضة .، و سلملي على التورومواي .

قبل ما أسبكم تحلم الفوازير دي كلها حسئل بقى نفسي سؤال صغير أوي ي ي ي " هي الحكومة للدرجة دي خايفة علينا من السكر و أمراض القلب و التلبك بتاعت المسبك و المحمر و خلافه فرفعت سعرهم عشان منجبهمش خالص ، تاني حاجة هل الحكومة قررت تنظم النسل و الكثافة السكانية بالطريقة الجديدة بتاعت عدم التأمين على الناس قوم إيه بقى لما يروحوا في داهيتهم يقل عددنا لوحده كده بقدرة قادر ؟

الأربعاء 29/12/2010