أنا بَتات في أفكاري طول الوقت
حكومة و شعب يا نهاري ولا لاقي وقت
كل اللي يشوفني يقوللي
التيتة دي مش لايقة عليك
تعالى سيب نفسك
و انا تيتك
بشكل و الله يليق بيك
مع كل فاتورة كهربا بيتيتوني
و فكل حتة بروحها يا ناس بيلحقوني
واحد تايتني فأفكاري
و التانية عامل ولا داري
لو روحت مصلحة يتتوني
بدمغات كتير ولا ليها داعي
تعبت والله من كتر التيت
اللي وصلني لحد البيت
دأنا مرة قولت أقول رأيي
لأتني بتات كده من ظهري
زميلي في الشغل بيتتني
عشان منصب و ترقية
و جاري تحتي بيتتني
عشان نقّط عليه من غسيل الجلابية
و أبني أستاذه بيتيته في الأمتحانات
بيجبله من برا المنهج بدل السؤال والله سؤلات
في رغيف العيش تَيتنا عشان منكلش
و كمان والله فصحتنا عشان منقمش
وليه يا بلدنا
بقيتي فكل حاجة بتتينا
و كل ما نبعد عنك تنادينا
تقولي تعالوا بينا يا ولادي نتصالح
و أتاريكي أصلا عايزة من تاني تتتينا
تتتينا .. تموتينا
تتتينا .. تقسينا .. تنسينا
و ديماً معاكي تغلبينا
و أن يوم أو لحظة بنتكلم
على طول تجيبي الحق و اللوم علينا
ليست هناك تعليقات:
إرسال تعليق